Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulanka lix iyo tobnaad oo ah wareegga labaad ku tartamay tartameyaasha Degmooyinka Warta Nabadda Vs Jowhar oo ka kala tirsan Gobollada Banaadir iyo Shabeelaha Dhexe, waxaana barnaamijka sanadkii shanaad oo xiriir ah taabagelineya Maamulka Gobolka Benaadir.
Tartameyaasha labada degmo ee Warta Nabadda Vs Jowhar ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.
Warta Nabadda
Tartameyaasha Degmada Warta Nabadda ee gobolka Banaadir waxaa la weydiiyey todobo Suโaal, waxa ay ka jawaabeen Halย suโaal, waxaana ay iska qaldeen lixย suโaal, waxa ay ka faa’iideysteen saddexย su’aal oo soo hareer martay tartamaaysha Degamda Jowhar, sidaa darteed wadarta guud ee dhibcaha tartameyaasha Degmada Warta Nabadda ay heleen waxay noqotay sideed (8) dhibcood.
Jowhar
Tartamayaasha Degmada Jowhar ee gobolka Shabeelaha Dhexe waxaa dhankooda la weydiiyay todobo suโaal, waxa ay ka jawaabeen laboย suโaal, iyagoo iska qaldayย shanย suโaal, waxa ay ka faaโiideysteen hal su’aal oo soo hareer martay Warta Nabadda, sidaasi darteed wadarta guud ee dhibcaha ay heleen tartameyaasha Degmada Jowhar waxay noqotay lix (6) dhibcood.
Tartamayaasha Degmada Warta Nabadda ee Gobolka Banaadir ayaa caawa u soo gudbay wareegga saddexaad ee tartanka, iyadoo ah tartamayaasha koobka difaacanaya.
Habeen dambe haddii uu Alle idmo oo ah habeenka todobo iyo tobnaad ee tartanka, waxaa foodda is dari doono, ilaa iyo afar degmo oo kala ah, tartamaayasha degmooyinka Jilib Vs Gaalkacyo oo ka kala tirsan Gobollada Jubbada Dhexe iyo Mudug, halka ay ku xigi doonaan Hodan Vs Wadajir oo ka wada tirsan Gobolka Banaadir.
Sawir Qaade:- Qadar Cali Nuur
