Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan oo ah wareegga kama dambeysta ah ee tartanka ku dhexmaray degmooyinka Jawiil iyo Yaaqshiid oo ka kala tirsan Gobollada Hiiraan iyo Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.
Natiijada tartankii dhexmaray caawa tartamayaasha degmooyinka Jawiil iyo Yaaqshiid waxey noqotay sidan:-
Jawiil
Tartamayaasha Deegaanka Jawiil sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, Su’aalihii todobada ahaa ee la waydiiyay, waxa ay si sax ah uga jawaabeen saddex Su’aal, halka ay iska qaldeen Afar su’aal, mana jirin wax ka faa’iideysi ah oo ay heleen tartamayaasha degmada Jawiil, waxayna wadarta guud ee dhibcaha tartamayaasha degmada Jawiil ay heleen noqoneysaa 6 dhibcood ( Lix dhibcood).
Yaaqshiid
Tartamayaasha Degmada Yaaqshiid waxaa iyana dhankooda la weydiiyey Todobo Su’aal, su’aallihii la weydiiyey waxay si sax ah uga jawaabeen Afar su’aal, halka ay iska qaldeen Saddex su’aal, mana jirin wax ka faa’iideysi ah oo ay heleen tartamayaasha degmada Yaaqshiid, waxaana wadarta guud ee tartamayaasha degmada Yaaqshiid ka dhigeysaa inay heleen 8 dhibcood (Sideed dhibcood).
Hadaba kulankii 26aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga kama dambeysta ah ee (Final-ka) tartankan u soo gudbay tartamayaasha Degmada Yaaqshiid ee gobolka banaadir, ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenka 27aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona qeybtii hore tartamayaasha Degmooyinka Kismaayo iyo Jawiil oo saacaddu marka ay tahay 8:00 pm soo gali doonto, kuwaasi oo ku tartamayaa kaalinta Saddexaad ee tartanka, halka 10:00pm isla habeen dambe ay kulanka kama dambeysta ah wada cayaari doonaan tartamayaasha degmooyinka Yaaqshiid iyo Baydhabo oo ka kala tirsan Gobollada Banaadir iyo Baay, iyadoo ciddi badisa ay ku guuleysan doonto tartan cilmiyeedka Warbaahinta Qaranka ee sanadkan.
Halkan ka dhageyso
Qeybta Koowaad ee Tartanka
Qeybta Labaad ee tartanka
