Tartan cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV, uuna taaba gelineyo sanadkii saddexaad Maamulka Gobolka Benaadir ayaa caawa wareegiiisa afarta degmo, tartan aad u xiiso badan ku dhexmaray degmooyinka Kismaayo Vs Yaaqshiid oo ka kala tirsan Gobollada Jubbada Hoose iyo Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.
Tartanka oo ahaa mid aad u xiiso badan ayaa tartamayaasha labada degmo waxa ay muujiyeen tartan wanaag oo ku dhisan aqlaaq iyo aqoon.
Natiijada tartankii dhexmaray xalay tartamayaasha degmooyinka Kismaayo iyo Yaaqshiid waxey noqotay sidan:-
Kismaayo
Tartamayaasha Degmada Kismaayo sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Labo su’aal oo waxa ay iska qaldeen Shan, mana jirin wax ka faa’ideysi ah oo ay heleen Kismaayo, wadarta guud ee dhibcaha tartamayaasha degmada Kismaayo ay heleen noqoneysaa 4 dhibcood (Afar dhibcood).
Yaaqshiid
Tartamayaasha Degmada Yaaqshiid waxaa iyana dhankooda la weydiiyey Todobo Su’aal, su’aallihii la weydiiyey waxay si sax ah uga jawaabeen Saddex su’aal, halka ay iska qaldeen Afar su’aal, mana jirin wax ka faa,iideysi ah, waxaana wadarta guud ee tartamayaasha degmada Yaaqshiid ka dhigeysaa inay heleen 6 dhibcood (Lix dhibcood).
Tartamayasha degmada Yaaqshiid ayaa caawa u soo gudubtay wareegga kama dambeysta ha ee tartanka (final), iyadoo tartamayaasha labada degmo ay isugu hambalyeeyeen guusha iyo dadaalka ay muujiyeen
Habeen dambe oo waxaa wada tartami doona Degmooyinka Warta Nabadda iyo Boosaaso oo ka kala tirsan Gobollada Banaadir iyo Bari, iyada oo degmadii soo gudubta ay kulanka finalka ah la tartami doonaan tartamayashsa degmada Yaaqshiid, .
Sawir Qaade:- Farxaan Suleymaan Daahir
