Tartan cilmiyeedka bisha Ramadaan oo galay sanadkii Shan iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 18–aad ee wareegga Labaad kulankiisa 2-aad ku tartamay Degmooyinka Dharkeynley iyo Dhahar oo ka kala tirsan Gobollada Benaadir iyo Sanaag. waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Dharkeynley iyo Dhahar ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday.
Related posts
Dharkeynley
Tartameyaasha Degmada Dharkeynley ee Gobolka Benaadir waxaa la weydiiyey todobo Suโaal, todobadii suโaal ee la weydiiyay waxa ay si sax ah uga jawaabeen Shan suโaal, halka ay iska qaldeen Labo suโaal, Maย jirin wax ka faaโiideysi ah oo ay heleen, sidaa darteed wadarta guud ee dhibcaha tartameyaasha Degmada Dhakeynley ay heleen waxay noqotay Toban (10) dhibcood.
Dhahar
Tartamayaasha Degmada Dhahar ee Gobolka Sanaag waxaa dhankooda la weydiiyay todobo suโaal, waxa ay si sax ah uga jawaabeen Shan suโaal, halka ay iska qaldeen Labo suโaal, Ma jirin wax ka faaโiideysi ah oo ay heleen, sidaa darteed wadarta guud ee dhibcaha ay heleen tartameyaasha Degmada Dhahar waxay noqotay Toban (10) dhibcood.
Sida sharciga tartanku dhigayo ay labo degmo isku dhibco noqdaan waxaa lagu daraa suโaalo dheeri ah, waxaana suโaalihii dheeriga ahaa ee lagu daray ku badisay Dhaharย oo la timid 16 dhibcood, halka Dharkeynley ay la yimadeen 12 dhibcood.
Hadaba kulankii 18-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Saddexaad u soo gudbay tartamayaasha Degmada Dhahar ee Gobolka Sanaag, ayadoo gebagebadii ay labada tartame isugu hambalyeeyeen guushaasi.
Habeen dambe haddii uu Alle idmo oo ah habeenka 19-aad ee tartanka, waxaa ku tartami doona degmooyinka Buur-hakaba iyo C/casiis oo ka kala tirsan Gobollada Baay iyo Benaadir.
Sawir qaade:- Khadar Cali Nuur
