Tartan cilmiyeedka bisha Ramadaan oo galay sanadkii Shan iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 25–aad ee wareegga Saddexaad kulankiisa 1-aad ku tartamay Degmooyinka Marka iyo Dhahar oo ka kala tirsan Gobollada Shabeelaha Hoose iyo Sanaag. waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Marka iyo Dhahar ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday.
Marka
Tartameyaasha Degmada Marka ee Gobolka Shabeelaha Hoose waxaa la weydiiyey todobo Suโaal, todobadii suโaal ee la weydiiyay waxa ay si sax ah uga jawaabeen Shan suโaal, halka ay iska qaldeen Saddex suโaal, Waxa ay ka faaโiideysteen Labo suโaal oo ay iska qaldeen dhigooda Dhahar, sidaa darteed wadarta guud ee dhibcaha tartameyaasha Degmada Marka ay heleen waxay noqotay Afar iyo Toban (14) dhibcood.
Dhahar
Tartamayaasha Degmada Dhahar ee Gobolka Sanaag waxaa dhankooda la weydiiyay todobo suโaal, waxa ay si sax ah uga jawaabeen Shan suโaal, halka ay iska qaldeen Labo suโaal, Waxa ay ka faaโiideysteen Hal suโaal oo soo hareermartay dhigooda Marka,ย sidaa darteed wadarta guud ee dhibcaha ay heleen tartameyaasha Degmada Dhahar waxay noqotay Labo iyo Toban (12) dhibcood.
Hadaba kulankii 25-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Afar dhamaadka u soo gudbay tartamayaasha Degmada Marka ee Gobolka Shabeellaha Hoose, ayadoo gebagebadii ay labada tartame isugu hambalyeeyeen guushaasi.
Habeen dambe haddii uu Alle idmo oo ah habeenka 26-aad ee tartanka, waxaa ku loolami doonaan Degmooyinka Buur-hakaba iyo Garbahaareey oo ka kala tirsan Gobollada Baay iyo Gedo. .
