Maamulka Dowladda Hoose ee Degmada Gaalkacyo, ayaa xaflad casho sharaf ah ku Maamuusay tartamayaashii Degmada Gaalkacyo ee ka qeyb galay tartan cilmiyeedkii Warbaahinta qaranka.
Munaasabadaan casho sharafka ah, ayaa waxaa kasoo qeyb galay ku Simaha Duqa Degmada Gaalkacyo ahna Guddoomiye ku-xigeenka Degmada Gaalkacyo Eng Maxamed Cabdi Cilmi, Xoghayaha Dowladda Hoose Cabdiqani Maxamuud Axmed, oo isagu ahaa hormuudkii hagayay dagmada Gaalkacyo intii uu socday Tartan Cilmiyeedka xubno ka tirsan golaha deeganka , taliyaha Saldhiga Booliiska Degmada Gaalkacyo Kabtan Cali xirsi Sahal.
Xubno ka tirsan gudiga farsamada tartanka oo goobta ka hadlay,ayaa soo bandhigay Marxaladihii la soo maray iyo dadaalkoodii isku duubnaanta ahaa ee ay bixiyeen. intii uu socday tartanka isla markaana Sababay in Gaalkacyo si dirqi ah looga qaado hanashadii tartan Cilmiyeedka, iyagoona mahadcelin u jeediyay dhammaan Howlwadeenada Warbaahinta Qaranka ee ku kala sugnaa Muqdisho iyo Gaalkacyo.
Xoghayaha fulinta Dowladda Hoose ee Degmada Gaalkacyo mudane Cabdi Qani Maxamuud Axmed, ayaa uga Mahadceliyay cid walbo oo kaalin weyn ku laheyd ka qeyb qaadashada tartankii Warbaahinta qaranka.
ku Simaha Duqa Degmada Gaalkacyo ahna Guddoomiye ku-xigeenka Degmada Galkacyo Eng Maxamed Cabdi Cilmi, ayaa tartamayaasha Degmada Gaalkacyo ku amaanay guusha muuqata ay ka keeneen tartan cilmiyeedkii Warbaahinta qaranka oo sanadkaan Degmada Gaalkacyo ay ka gashay kaalinta labaad ee tartanka.
