Tartan cilmiyeedka bisha Ramadaan oo galay sanadkii 11-aad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankiisaย 13aadย ee wareegga koowaad ku tartamay Degmooyinka Xudur Vs Dhahar oo ka kala tirsan Gobollada Bakool iyo Sanaag, waxaana barnaamijka sanadkan taabagelinaya Bangigaย IBS.
Tartameyaasha labada degmo eeย Xudur ย Vsย Dhahar ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.
Xudur
Tartameyaasha Degmada Xudur ee Gobolka Bakool waxaa la weydiiyey todobo Suโaal, todobadii suโaal ee la weydiiyay waxa ay ka jawaabeen saddexย suโaal, halka ay iska qaldeenย Afar ย suโaal, waxa ay ka faaโiideysteen Labo suโaal oo soo hareermartay tartamayaasha Dhahar, sidaa darteed wadarta guud ee dhibcaha tartameyaasha Degmada Xudur ay heleen waxay noqotay Toban ย (10) dhibcood.
Dhahar
Tartamayaasha Degmada Dhahar ee Gobolka Sanaag waxaa dhankooda la weydiiyay todobo suโaal, waxa ay ka jawaabeenย Shan suโaal, waxa ay iska qaldeen Labo suโaal, waxa ay ka faaโiideysteen Labo suโaal oo soo hareermartay tartamayaasha , sidaasi darteed wadarta guud ee dhibcaha ay heleen tartameyaasha Degmada Dhahar waxay noqotayย Toban iyo Afar (14) dhibcood.
Hadaba kulankiiย 13aadย ee tartan Cilmiyeedka bisha Ramadaan ee Warbaahinta Qaranka caawa waxaa wareegga xiga u soo gudbay tartamayaasha Degmada Dhahar ee gobolka.Sanaagย ,ย ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenkaย 14aadย ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Warta Nabadda iyo Kaxda oo ka wada tirsan Gobolka Banaadir.
Sawir Qaade: Khadar Cali Nuur
