Tartan kubadda cagta ah oo u dhaxeeyay xaafadaha Degmada Buulo burte ayaa maanta lagu soo gabo gabeeyay garoonka cayaraha Degmada, ayadoo loo qabtay 7 koox oo ka dhisan xaafadaha magaalada iyo hal koox oo odayasha ah.
Munaasabaddii lagu soo gabo gabeynayay tartanka isboorti ee ku saabsanaa isdhexgalka bulshada ayaa waxaa ka qeyb galay Maamulka Degmada, Bahda cayaaraha iyo bulshada qeybaheeda kala duwan.
Ciyaarta oo ahayd mid xiiso badan ayaa waxaa u soo daawasho tegay boqolaal dadweyne ah oo kala yimid xaafadaha ay ka koobantahay degmada Buulo burte, kuwaasi oo kala taageerayay labada koox ee cayaarta isugu soo hartay.
Kulanka kama dambeysta ah ee tartanka xaafadaha ayaa waxaa galabta wada cayaaray kooxaha ka socday xaafadaha Hanti-wadaag iyo Bog-abeeso, taasi oo waqtigii loogu tagalay ku soo idlaatay bar bar dhac (1-1), waxaana ay guusha ku raacday xaafadda Bog-abeeso oo 5-3 gool ku laad ku badiyay (Rigoorayaal).
