Cayaarahan oo socon doono inta lagu guda jiro Bisha Ramadaan ayaa waxaa wada cayaari doono sideed kooxood oo ka kala socda magaalooyinka Johannesburg iyo Pretoria, iyadoo uu sanadkaan taabagalinayo Advance Cash and Curry oo uu leeyahay Ganacsada South African taasoo ugu tagalay is dhexgalka bulshada gaar ahaan Soomaalida iyo South Afrikanka.
Furitaanka oo ay ka qeybgaleen xubno ka socday Safaaradda Soomaaliyeed ee Dalkani, ganacsato iyo Dadweyne kale ayaa waxaa lagu furay labada Kooxood ee kala ah Heegan iyo Hagar-diid oo ka kala socday Magaalooyinka Johannesburg iyo Pretoria.
Ugu horeyn waxaa ka hadlay Yusuf Kaali Milkiilaha Advance Cash and Curry oo isagu taabagalinayo ayaa Soomaalida yiri”
“Marka hore waxaan u mahadcelinayaa walaalaha ila hergaliyay cayaarahan, aad ayaan ugu faraxsanahay arintani,waxay mar walba ahayd riyadayda inaan sameeyo waana ku faraxsanahay inaan ka mid ahaado”
Bishiir Goobe Guddoomiyaha dhallinyarada Soomaaliyeed oo goob ka ahaa furitaanka Cayaarahan ayaa isna yiri
“Aad ayaan ugu mahadcelinayaa dadkii ka qeyb gaatay gaar ahaan Advance Cash and Curry oo marwalba la garab taagan dhallinyarada Soomaaliyeed”
Sidoo kale Guddoomiyaha Jaaliyadda SASA ee Pretoria ayaa ballanqaaday in Jaaliyadooda bixin doonto abaalmarin marka uu tartanka dhamaado.
“Waxaan ballanqaadaynaa maanta inaan guddoonsiin doono walaalkay Yusuf Kaali waxaan gudoonsiin doonaa Shahaado Sharaf, sidoo kale waxaan guddoonsiin doona Guddigii soo qabanqaabiyay” ayuu yiri Guddoomiyaha.
Ismaciil Cabdullahi Muumin oo ka mid ah Guddigii soo qabanqaabiyay Tartankani ayaa yiri”anigoo ku hadlaya Magaca Advance Cash Curry,kooxdii kaalinta kowaad gasha,abaalmarin bay leedahay kooxdii ciyaar wanaag sameysa iyadana abaalmarin ayay leedahay”
Ugu dambeyntii Uqeybsanaha Safaaradda Soomaaliyeed ee K/Afrika Dhaqanka iyo Waxbarashada,Cabdi Xalane Xirsi oo ka mid ahaa marti sharaftii kasoo qeybgashay furitaanka Ciyaartan isna yiri.
“Barnaamijkan waa Barnaamij aad muhiim u ah gaar ahaan dadka jooga K/Afrika, macno weyn buu u leeyahay,kow wuxuu abuurayaa isdhexgalka,tan labaad waxa weeye waxbadan oo ay ku mashquuli lahayeen ama fikirad xun ay ka imaan lahed inkastoo Umadayada ay tuhuhsaneen, tan sedexdanana waxa weeyen waa tababar oo dadkii dhalinyarada caafimaadkooda ku jiro, aad ayaan ugu mahadcelinayaa dadkii keenay oo ay ugu horeyaan Ururka Dhalinyarada”
Cayaartan oo ahayd mid aad u kulul waxay kusoo idlaatay 3-0 oo ay guusha ku raacday Kooxda Heegan oo ka socotay Johannseburg.
C/qaadir Axad Warbaahinta Qaranka, Pretoria K/Afrika
