Tartankan oo la qabto bisha barakeysan ee Ramadaan ee sanad walba oo ay soo qabqabaayaan hay’adda culumada Al Bayaan ee K/Afrika ayaa ahaa kii afraad waxaana lagu qabtay magaalada Johannseburg, waxaana ka soo qeybgalay culumo,waaliidiin iyo dad weyne kale waxaana ka qeyb qaadanayay arday laga soo xulay madaariista Al Bayaan ee gobolada dalka K/Afrika waxa uuna tartankan socday sadex maalmood ayaa lasoo gabagabeeyay.
Ardayda ka qeyb qaadanaysay tartankan oo qaarkood da’dood ka yareyd toban sano jir ayaa waxa ay ku tartamayeen shanta Juz ilaa sodonka Juz ee Qu’raanka Kariimka.
Sheekh Cali Ibraahim Cali Towxiid oo ka mid ahaa macalimiinta Al Bayaan kana mid ahaa qabanbaayasha tartanka ayaa sheegay in ay bilaabeen sanadkii 2012 ka inay ku faraxsan yihiin inuu u qabsoomo tartankii afaraad.
Gudoomiyaha majliska Al-bayaan Sheekh Xasan Guure oo furay tartanka Qu’raanka Kariimka ah ayaa sheegay in tartanka loogu gol leeyahay sidii loo xifdin lahaa Qur’anka laguna dhiirigelin lahaa ubadda.
WD:C/qaadir Axad- Johannseburg
