Tartankan qur’aan aqriska ah oo socday muddo 10 maalin ah ayaa lagu soo gabagabeeyay xaafadda Islii ee magaalada Nairobi.
Tartanka oo ay soo qabanqaabisay mu’asadada ansaaru sunnah, ayna ka qeybagleen Culumaaudin iyo qeybaha kala duwan ee bulshada ayaa ka dhacay masaajidka Bilaal, waxaana uu u dhaxeeyay in badan 100 Macallimiinta dugsi qur’aanada ee dalka Kenya oo isugu jiray rag iyo dumar.
Qaar kamid ah macallimiintii kaalmaha hore ka galay tartanka oo isugu jiray rag iyo dumar ayaa la guddoonsiiyay abaalmarino lacageed oo gaaraya $ 5000, $ 4,000, $3,000 #2,000 iyo $1000.
Guddiga maamulayay tartanka mudada uu socday iyo culimada ka qeybgashay ayaa ka hadlay muhiimada tartanka.
Maamulha mu’asasada ansaaru sunnah ee xaafadda Islii Sheikh C/risaaq C/laahi aadan sheikh jiir ayaa sharraxay sababta ay u qabteen tartanka, isagoo bogaadiyay macallimiintii ka qeybashay.
Waa sanadkii 4 aad oo mu’asasada ansaaru sunnah ee xaafadda Islii ay qabto tartan noocaan oo kale ah.
