Doorashadii Golaha Shacabka Dawladda ku-meel-gaarka ee lagu soo dhisay Embakati, Kenya – 20-kii Agoosto 2004
Maadaama ay dhamaatay muddadii xilhaynta afarta sano ee Golihii shacbiga la dishay 2000, waxaa la dhisay Gole cusub oo xilhayntiisu tahay afar (4) sano, kana kooban 275 xildhibaan oo ay soo xuleen odayaal dhaqameedka beelaha Soomaaliyeed. Waxaa la ansixiyey Cahdiga Federalka ku-meel-gaarka ah ee 2004, waxaana la doortay Guddoonkii Baarlamaanka loo doortay M.ne Shariif Xassan Sheekh Aadan oo xilka Guddoonka hayey 14 Sep. 2004 ilaa 2007. Waxaa kaloo isla kulankaas lagu doortay Madaxweynaha Dawladda KMG ee Jamhuuriyadda Federaalka Soomaaliya.
Doorashadii Madaxweynha Dawladda Federaalka ku-meel-gaarka ah oo lagu qabtay Nairobi, Kenya10-kii Oktoobar 2004 –Transitional Federal Government (TFG)
Waxaa dooranayey: Baarlamaanka Federaalka ku-meel-gaarka – waxaa goobjoog ahaa oo codeynayey 275 xildhibaan. Waxaa ku looltamayey 26 musharrax. Natiijada doorashadana waxay noqotay sida ku muuqaalisan shaxdan:
|
Wareeg |
Codadka aamusay ama xumaaday: |
Cododka ansaxay: |
Wadarta Cododka |
|
Wareega Koowaad |
2 |
273 |
275 |
|
Wareega Labaad |
7 |
268 |
275 |
|
Wareega Saddaxaad |
7 |
268 |
275 |
|
Magaca Musharraxa |
Wareegga 1-aad |
Wareegga 2-aad |
Wareegga 3-aad |
|
Cabdullaahi Yuusuf Axmad |
80 (29.30%) |
147 (54.85%) |
189 (70.52%) |
|
Cabdullaahi Axmad Cadow |
35 (12.82%) |
83 (30.97%) |
79 (29.48%) |
|
Maxamed Qanyare Afrax |
33 (12.09%) |
38 (14.58%) |
– |
|
Cabduraxman Jaamac Barre |
18 (6.59%) |
– |
– |
|
Abdulqaasim Salaad Xassan |
16 (5.86%) |
– |
– |
|
Maxamed Xassan Caddow |
14 (5.13%) |
– |
– |
|
Muuse Suudi Yalaxow |
13 (4.76%) |
– |
– |
|
Cusmaan Jaamac Cali “Kalun |
10 (3.66%) |
– |
– |
|
Iyo 18 musharrax kale |
54 (19.78%) |
– |
– |
Fiiro gaar ah: Maadaama musharraxna wareegga koowad helin 183 cod oo u dhiganta 2/3 tirada guud ee xubnaha Golaha, waxaa loo gudbay wareegga labaad. Musharrixiinta kala ah Cabduraxman Jaamac Barre iyo Cadiqaasim Salaad Xassan iyo Maxamed Xassan Cadow sharci ahaan waxay xaq u lahaayeen inay wareegga 2-aad u gudbaan, haseyeeshee iyagaa iskood tartanka wareegga labaad uga tanaasulay. Wareegga 3-aadna waxaa ugu dambayntii u gudbay M.ne Cabdullahi Yusuf Axmad iyo Cabdullahi Axmad Caddow, waxaan ku guuleystay M.ne Cabdullahi Yusuf Axmad.
Xubnaha Golaha Shacabka oo lagu kordhiyey xubnaha SRS iyo isbeddelkii ku yimid Madaxda Dawladda
Ka dib markii Golihii baarlamaanka arrimo siyaasadeed awgeed uu u kala jabay, oo koox ka mid ah ku hartay dalka, kuwa kalena dalka dibadiisa dawlado shisheeye u magangalay, Kooxdan danbe oo ay ku biireen muwaadiniin iyo qurbajoogto soomaaliyeed waxay la baxeen “the Somalia Reconciliation and Restoration Council (SRRC).” Ka dib markii markii Baarlamaankii u kala jabay laba garab waxaa Guddoomiye loo ddortay M.ne Sheekh Aadan Maxamed Nuur (Madoobe) oo xilka Guddoonka hayey 21 Jennaayo 2007 ilaa Maajo 2010.
Kalajabkan ka bacdi waxaa loo hawlgalay dib-u-heshiisiinta labadan kooxood oo ay dawladda Djibouti hoggaamineysay ayado kaashanaysay Xafiiska Siyaasadda Qaruumaha Midoobay. Muddo dheer oo dhaxdhaaxidn ka bacdi waxaa lagu heshiiyey in tirada xubnaha Golaha Shacabka oo ahayd 275 la labalaabo oo 275 xubnood kale lagu kordhiyo lagana soo xulo kooxdii SRRC iyo ururrada bulshada sidaasna tirade guud ee xubnaha Golaaha shacabku ku noqdo 550 xubnood. Waxaa isla kulankaas lagu go’aansaday;
-
In muddada xilhayn Golaha Shacabka lagu kordhiyo laba sanno; iyo
-
Xilkii Xafiiska Madaxweynaha uu ka istiqaalooday M.ne Madaxweyne Cabdullahi Yusuf Axmed, loo doorto Madaxweyne cusub.
Doorashadii Madaxweynha Dawladda Federaalka ku-meel-gaarka ah ee la qabtay30-kii Jannayo 2009 –Transitional Federal Government (TFG)
Waxaa dooranayey: Baarlamaanka Federaalka ku-meel-gaarka. Waxaa goobjoog ahaa oo codeynaye 425 xildhibaan, waxaana ku tartamayey 14 musharrax. Natijaada doorashadana waxay noqotay sida ku cad shaxda halkan hoose ku muuqaalisan:
|
Wareeg |
Codadka aamusay ama xumaaday: |
Cododka ansaxay: |
Wadarta Cododka |
|
Wareega Koowaad |
3 |
423 |
425 |
|
Wareega Labaad |
2 |
419 |
421 |
|
Magaca Musharraxa |
Wareegga 1-aad |
Wareegga 2-aad |
|
Shariif Sheikh Axmad |
215 (50.95%) |
293 (69.93%) |
|
Maslax Maxamed Siyaad Barre |
60 (14.22%) |
126 (30.07%) |
|
Nuur Xassan Xussein |
59 (13.98%) |
— |
|
Cali Khaliif Galaydh |
31 (7.35%) |
— |
|
Maxamed Cusmaan Aadan |
25 (5.92%) |
— |
|
Cabdiraxmaan Cabdi Xussein |
10 (2.37%) |
— |
|
Axmed Xaashi Maxamuud |
9 (2.13%) |
– |
|
Cawad Axmad Xsharo |
5 (1.18%) |
– |
|
Muuse Macallim Yuusuf |
4 (0.95%) |
– |
|
Yuusuf Azhari |
2 (0.47%) |
– |
|
Cali Xaashi Dhoore |
2 (0.47%) |
– |
|
Xassan Abshir Faarax |
– |
– |
|
Maxamed Maxamuud Guuleed |
– |
– |
|
Maxamed Axmad Cali |
– |
– |
-Fiiro gaar ah: Musharrixiinta Xassan Abshir Faarax, Maxamed Maxamuud Guuleed iyo Maxamed Axmed Cali sharci ahaan waa loo oggolaa in ay tartanka ka qaybgalaan, haseyeeshee iyagaa iskood u tanaasulay intaan wareegga koowaadba la gelin.
*Musharrixiinta ay ka mid yihiin Nuur Xassan Xussein, Cali Khaliif Galaydh, Maxamed Cusman Aadan, iyo Cabdiraxmaan Cabdi Xussein sharci ahaan waxay xaq u lahaayeen in ay u gudbaan wareegga 2-aad, haseyeeshee ayagaa iskood uga tanaasulay tartanka wareegga labaad. Maadaama laba musharrax keliya isku soo hareen looma baahan in la galo wareeg sadaxaad, oo wareegga labaab baa lagu kala baxay. Waxaa codadka xildhibaanada ku dhowaad boqolkiiba 70% helay M.ne Shariif Sheikh Axamad kuna guulaystay Madaxweynaha Jumhuriyadda Dawladda Federaalka ku-meel-gaar ah xilkeeda qabto ilaa iyo 10ka September 2012.
Isbedel ku yimid Guddoonka Golaha Shacabka;
Is-afgaran waa ka dhex aloosmay hoggaaminta siyaasada guud ee dalka ayaa saameeyey Golaha Shacabka kasoo sababay in doorasho loo qabto Guddoonka Golaha Shacabka ee Baarlamaanka Federaalka ku meelgaar. Waxaana mar labaad doorashadaa ku guuleystay M.ne Shariif Xassan Sheekh Aadan oo xilkaas hayey Junyo 2010 ilaa Agosto 2012.
La Soco Qeybta 12aad Insha Allah
