Guddoomiyaha gobolka Banaadir mudane Thaabit Cabdi Maxamed ayaa tagay goobta qaraxa uu ka dhacay waxaana uu sheegay in uu arkay dhibaato badan oo uu sababay qaraxaas, guddoomiyaha ayaa shacabka Soomaaliyeed ugu baaqay in ay ka qeyb qaataan u gurmashada dadka waxyeelada soo gaartay.
Mudane Thaabit ayaa qaraxan ku tilmaamay in qaraxan uu ahaa musiibo qaran kaas oo sababay dhimasho badan, isagoo codsaday in loo gurmado dadka wali ku hoos jira dhismiyaasha burbursan.
Duqa magaalada Muqdisho, ayaa sidoo kale sheegay in dadka reer Muqdisho looga baahan yahay in ay tagaan isbitaalada la geeyay dhaawacyada isla markaana dhiigooda ku deeqaan.
