Kooxda Aston Villa ayaa Tim Sherwood u magacawday tababaraha cusub,isagoo bedelay Paul Lambert oo khamiistii laga ceyriyay shaqada kooxdaasi.
Macalin Tim Sherwood oo horey u soo tababaray kooxda Tottenham Hotspur ayaa saxiixay qandaraas uu kooxda kula joogayo ilaa sanadka 2018.
Tim Sherwood ayaa tarabuunka ka daawan doono ciyaarta ay berri kooxdiisa cusub ee Aston Villa la ciyaari doonto kooxda Leicester City.
Macalin Tim Sherwood oo 46-jir ah ayaa la filayaa in uu shir jaraa;id qabto maalinta isniinta ee soo socota.
Macalin Sherwood ayaa waxaa hor taala howl culus oo ah in uu kooxda Ason Villa ka badbaadiyo in ay sanadka soo socda u laabato heerka labaad ee dalka ingiriiska.
Kooxda Aston Villa ayaa hada ka mid ah sedaxda kooxood ee ugu hooseeya horyaalka ingiriiska,waxana ay dhalisay 12-gool oo kaliya 25-kulan oo ay ciyaartay.
Macalin Tim Sherwood ayaa sheegay in ay sharaf u tahay in uu hogaanka u qabto mid ka mid ah kooxaha ugu waweyn dalka ingiriiska.
Kulanka ugu horeeya ee horyaalka ingiiriiska oo uu macalin Tim Sherwood leylindoono kooxda Aston Villa waxa uu noqon doono kulanka 21 bishan February ay la ciyaari doonto kooxda Stoke City.
