Tan iyo bishii la soo dhaafay Hindiya, waxaa ka socday mowjado aan horay loo arag oo ka dhashay cudurka faafa ee Corona Virus, kaasi oo dhaxalsiiyay in Hindiya ay noqotay waddanka ugu tirada badan adduunka ee uu ku dhacay xanuunkan Covid 19.
Hindiya ayaa gashay wajigii labaad ee hirarka Covid19, horaantiiΒ bishii Abriil ee sanadkan, iyadoo Β ay sii yaraanayaan sariiraha cisbitaalada, Oksijiinta iyo dawooyinka, waxana sii kordhaya Maalinba maalinta ka dambeysa tirada dadka u geeriyoonaya xanuunkan.
Related posts
Wasaaradda Caafimaadka ee Hindiya ayaa shaacisay in maalmahii la soo dhaafay tirada dadka uu haleelay Corona Virus ay kor u dhaaftay 20 milyan, Β bahda caafimaadka Hindiya ayaa sheegay in maalmahii ugu danbeeyay xanuunkan uu soo ritay dad gaaraya Β 357,000, kuwaa oo isugu jira kuwa u dhintay iyo dad wali Isbitaalada u jiifa waxyeellada xanuunkan.
Markii fayraska Corona uu soo ifbaxay dhammaadka sanadkii 2019, waxaa la sheegay in Raβiisulwasaaraha Hindiya, uu iska dhago tiray qaylo dhaanta halista Xanuunkan Β oo ka bilaabmay Shiinaha iyo qaar kamid ah waddamada reer Galbeedka.
Muddo kadib ayaa Hindiya lagaga dhawaaqay si kadis ah in la xayiray isu-socodka Bulshada iyo Ganacsiga , arrinkaas oo si weyn u saameeyay dadka saboolka ah, dowladda ayaa ku dhawaaqday inay qaadayso tallaabooyin dhowr ah, sida kordhinta sariiraha yaalla isbitaalka lagula tacaalaya dadka uu soo ritay xanuunkan, dardargelinta soo saarista tallaalka Hindiya u gaar ah iyo bilaabida sanduuq dhaqaale si loo yareeyo culayska nolosha dadka saboolka ah.
Raβiisulwasaaraha Hindiya ayaa bishii Janaayo ee la soo dhaafay hoggaamiyeyaasha adduunka ee ka qeyb galayay madasha Davos, ugu bishaareeyay in Hindiya ay ka gudubtay waxyeeladii Corona.
