Kooxaha badbaadada deg deg ah ee galbeedka Jarmalka iyo biljamka ayaa wada gurmad xoogan oo la doonayo in lagu samata bixiyo boqolaal ruux oo saameyn daran ay ku yeesheen fataahadaha ku dhuftay qeybo ka mid ah Dalka Jarmalka, kuwaa oo la sheegay in ay ku dhinteen 150 ruux.
Maamulka gobalka Rhineland ayaa sheegay in 63 ruux oo ay ka mid ahaayeen 12 ruux oo curyaamo ah ay ku geeriyoodeen degaanka sinzig.
Madaxweynaha Jarmalka ayaa sheegay in musiibo xoogan ay ka dhacday dalkiisa isagoo balan qaaday in ay taageero siin doonaan qoysaska ay dadkooda ku geeriyoodeen fatahaadaha
Dad badan ayaa la sheegay in ay go’doomiyeen fatahaadahan ka dhashay biyaha webiyada oo qararka jabsaday.
Kooxaha gurmad deg deg ah ayaa sida la sheegay soo badbaadiyay illaa 50 ruux oo halis ugu jiray in ay la tagaan Daadadka oo xowli ku socday sida uu sheegay mas’uulka ka tirsan dowladda Jarmalka.
Guryo badan oo ku yaala dalkaasi ayaa waxaa dumiyay daadadka iyadoo laga cabsi qabo in dhibaatada ay intaasi ka sii badan karto.
Dowladda ayaa waxaa ay isku dayeysaa in ay diiwaan geliso tirada boqolaal ruux oo la layahay iyadoo weli goobaha ay dhibaatada ka dhaceen aan la tegi Karin sababa la xiriira wadooyinka iyo qadka isgaarsiinta oo aan wanaagsaneen.
