Tirada dadka ku dhintay qaraxii ismiidaaminta ahaa ee shalay lala beegsaday masaajid ku yaalla magaalada Peshawar ee dalka Pakistan ayaa gaaray 93 qof, sida laga soo xigtay ilo ka tirsan caafimaad Pakistan.
Ruuxii fuliyay weerarka ayaa ku jiray safka hore ee masjidka, kaasi oo markii salaada la bilaabay isku qarxiyay Jameecadii Masaajidka, sida ay sheegeen laamaha amaanka.
Dalalka Islaamka iyo Mareykanka ayaa cambaareeyay weerarkan argagixiso ee lala beegsaday dadkii ku cibaadeysanayay masaajid ku yaalla Peshawar .
Xoghayaha guud ee Qaramada Midoobay Antonio Guterres, ayaa sidoo kale cambaareeyay weerarka ismiidaaminta ah, waxaana bayaan ka soo baxay xafiiskiisa lagu yiri “Waa wax laga yaqyaqsado in la weeraro goob cibaado.”
Gudaha dalka Pakistaan waxaa bilahii u danbeeyay ku sii badanayay Qaraxyada ismidaaminta ah ee aan loom eel dayeynin, kuwaasi oo ay geysanayaan Kooxaha argagixisada.
