Maamulka gobolka Banaadir ayaa maanta soo bandhigay tiro koob horu dhac ah oo laga sameeyey goobaha ganacsi ee ka diiwaangashan dowladda Hoose ee Xamar kaddib munaasibad lagu qabtay Muqdisho, kaasi oo ay ka qeyb galeen mas’uuliyiin ka tirsan dowladda Hoose ee Xamar.
Xog uruurintan ayaa waxaa laga sameeyay ilaa iyo afar degmo oo kala ah Waaberi, Xamar Jajab, Xamarweyne iyo Shangaani, kaasi oo ujeedkiisu yahay mashruuca horumarinta dhaqaalaha deegaanka Xamar iyo in la helo tiro koob sax ah oo ku saabsan afarta degmo ee howshan laga qabtay .
Wakiilka Mashruuca horumarinta dhaqaalaha deegaanka Xamar C/qaadir Muxiyadin Axmed (Dalxa) oo ka hadlay munaasabadda ayaa si horudhac ah u soo bandhigay tirada Xogta ee laga soo qaaday afarta Degmo, waxa uuna sheegay in guuda haan ay noqotay tira koobka la sameeyay noqotay 2,578 dukaan”
Kooxda tiro koobkan soo sameysay ayaa ah koox uu maamulka Gobolka Banaadir horey u siiyay tababar ku saabsan qaabka xog uruurin nuucaani oo kale ah loo sameeyo, waxaana ugu dambeyntii la guddoonsiiyay shahaadooyin.
