Madaxweynaha Dalka Turkiga , Recep Tayyip Erdogan, ayaa dhiggiisa Dalka Ruushka Vladimir Putin, kala hadlay go’aankii uu Madaxweynaha Maraykanka Donald Trump, kaga baxay heshiiskii Nuclear-ka ee Dalka Iiraan.
Labada hoggaamiye oo Khadka taleefanka ku wada xiriiray ayaa ayaa waxay sheegeen in hadalka kasoo baxay Trump uu gebigiisba ahaa mid khaldan, waxayna tilmaameen in heshiiska nukliyarka uu ahaa guulo diblumaasiyadeed oo ay tahay in la ilaaliyo.
Labada Madaxweyne ayaa sidoo isla soo qaaday xiisadda ka aloosan Dalka Suuriya iyo horumarkii laga gaadhay howlaha kala aragtida fog ee ay Labada Dowladoodba halkaasi ka wadaan, iyagoo sheegay inay haatan arrintu taagan tahay meel wanaagsan.
Recep Tayyip Erdogan , ayaa sidoo kale ugu hambalyeeyay Vladamir Putin, inuu ku guuleysto xilka Madaxtinimo oo uu markii Afaraad ku soo baxay dhawaan inuu noqdo hoggaamiyaha.Dalka Ruushka.
Talaadadii dhawayd ayuu Madaxweynaha Dalka Maraykanka, Donald J.Trump , wuxuu isaga baxay heshiiskii xakamaynta Hubka Nuclear -ka ee ay Sanaddii 2015-kii wada galeen Shanta Dowladood ee lagu Magacaabo kuwa diidmada qayaxan ee golaha ammaanka qaramada midoobay oo lagu daray Jarmalka iyo Dowladda Iiraan.
Saxiixa heshiiskan oo ay sidoo kale goobjoog ka ahayd hay’adda Atoomikada Caalamka ee IAEA, ayaa waxay ka bixistiisa mad-madoow dhanka siyaasadda ah ka dhex abuuraysaa Waddamada Yurub ugu waawayn iyo Maraykanka, iyadoo sidoo kale sii hurinaysa xiisadda colaadeed ee ka taagan Bariga dhexe.
