Turkiga oo ogolaaday in Sweden ay ku biirto NATO

Guddiga xiriirka arrimaha dibadda ee Baarlamaanka Turkiga oo kulan ku yeeshay galinkii danbe ee shalay magaalada Ankara, ayaa ansixiyay ka mid noqoshada  Sweden Ururka NATO.

Ansixinta arrinkan ayaa yimid kadib kulan uu guddiga ku yeeshay xarunta Baarlamaanka ee caasimadda Ankara, kaasoo uu hoggaaminayay guddoomiyaha guddiga, xildhibaan Fuat Oktay oo ka tirsan xisbiga cadaaladda iyo horumarinta.

Related posts

Ra’iisul Wasaare Ku-xigeenka dalka“Maalgelinta cimiladu ma aha sadaqo, ee waa iskaashi loogu talagalay isbeddel iyo xalal-waara.”

November 9, 2025

Madaxweyne Xasan oo xarigga ka jaray Warshad soo saarta biraha Shubka ee dalkeenna

November 8, 2025

Kulanka ayaa waxaa goob joog ka ahaa Wasiir ku xigeenka arrimaha dibadda Turkiga Burak Akcabar, kaasi oo Guddigga uga warbixiyay qaabka ay Sweden uga mid noqoneyso NATO.

Ansixinta guddiga ee xubinnimada Sweden, kadib waxaa loo gudbin doonaa Golaha Guud ee Baarlamaanka Turkiga si cod loogu qaado.

23-kii Oktoobar, Madaxweynaha Turkiga Recep Tayyip Erdogan ayaa saxiixay hab-maamuuska ku biiritaanka Sweden ee Ururka  NATO.