Iyadoo ay foodda inagu soo hayaan maalmaha Xoriyadda wadankeena ayaa waxaa si weyn looga dareemayo guud ahaan gobolada dalka iyo goobaha lagu dalxiiso, iyadoo la arkaya goobaha tariikhaga ah oo laga xardhay hal ku dhigyo ka turjamaya Xoriyadda iyo Qiimaha Calanka.
Goobaha loo damaashaadka tago iyo Suuqyada, ayaa lagu arkayaa Dumar iyo Caruur u diyaar garoobaya maamuusidda xuska munaasabada xoriyadda, halka muwaadiniinta Soomaaliyeed ee ku sugan Dalka dibaddiisana ay baraha bulshada isugu hambalyeenayaan.
Related posts
Saacadaha soo socda ayaa waxaa nagu soo beegay 26-ka Juune oo ah munaasabada markii gobolada Waqooyi ee dalkeena ay xornimada ka qaateen gumeystihii Ingiriiska, sidokalana Calan Soomaaliyeed oo xor ah laga taagay dalka, taasi oo aheyd 26-kii juun 1960-kii, waxaana hadda magaalooyinka waa weyn ee dalka laga dareemayaa u diyaar-garow xooggan oo ku aadan munasabadaha xuska 26-ka Juune.
Toddobaadka dambe ayaa sidokale loo diyaar garoobayaa dabdaal daga xuska maalinta weyn ee 1-da Luulyo, oo ku began markii ay is raceen ama ay midoobeen Gobolada Waqooyi iyo kuwa Koonfureed, sidaana ay ku yagleeleen Dowlad Soomaaliyeed oo Xor ah.
Madaxda dalka ayaa shacabka soomeeliyeed ku booriyay inay muujiyaan shucuurtooda iyo dareenkooda ku aaddan xuska maalmaha ku weyn quluubta shacabka Soomaaliyeed, Maadaama shacabka yihiin awooda dowladda.
