Madaxweynaha Dalka Kenya, Uhuru Kenyatta, ayaa dhambaal tacsi ah u diray Qoysaskii ay ka baxeen Siddeed Askari oo ka tirsanayd Ciidanka xoogga Dalka Kenya oo ku geeriyootay qarax ka dhacay Dhoobley Soomaaliya.
Askartan ayaa geeriyootay Axaddii aynu kasoo gudubnay, markii Gaari ka mid ahaa Kolonyo Ciidan gaafmeer ahaa ay haleeshay Miino nooca Baaburta ah oo la geliyay Waddada dacalkeeda.
Madaxweyne Uhuru, ayaa sheegay in uu aad uga murugooday ka murugooday dhacdadii soo wajahday Askarta naftooda u hurtay difaaca Dalkooda, wuxuuna intaa raaciyay inay sii socon doonaan howl-gallada ay kula dagaallamayaan Al-shabaab.
Laamaha sirdoonka Kenya ayaa wada dedaallo ay ku baacsanayaan kuna ugaarsanayaan Al-Shabaab, iyagoo Gacanta kusoo dhigay Dad la tuhmayo inay xiriir dhow la leeyahiin argagixisada.
Isha/ The Star
