Ururka haweenka qaranka Soomaaliyeed ayaa maanta deeq raashiin ah u qeybiyay dad danyar ah oo ku nool magaalada Muqdisho.
Qoysaskaan ka fa’iideystay deeqdaan oo isugu jirtay dhar, saliid iyo salliyo ayaa gaarayey 35 qoys oo ay ka mid yimid dad ka soo qaxay dalka Yeman waxana deeqdaan siiyey ururka haweynka Qaranka Soomaaliyeed, iyadoo dadka wax la siiyey badan kood ay ahaayeen hooyooyin watay caruur dhowr bilood jir ah.
Aamino Xuseen Aadan oo ah u qaabilsanaha ururka haweynka dhanka barakacaayaasha iyo naafada ayaa sheegtay in deeqdii ay maanta qaybiyeen aysan kaafin karin qoysaska ay diiwaan galiyeen oo tiro ahaan badan,
Xog haya guud ee ururka haweenka Qaranka ayaa iyana baaq u jeedisay dowladaha, hey’adaha deeqda bixiya iyo beesha caalamka in la gar gaaro qoysaska Soomaliyeed ee ka sii barakacaya dagaalada ka dhaca Yeman.
Qaar ka mid aha qoysaskaasi deeqda la siiyay ayaa iyana ka mahadnaqay gurmad loo fidiyey.
Qosas badan oo ka soo barakacay Yeman ayaa ku sugan Muqdisho, kuwaas oo u baahan gar gaar bani’aadanimo.
Sawir qaade Maxamed Cabdiweli
