Madaxa mashruuca Sagal iyo la-taliyaal sare oo ka tirsan mashruuca ayaa toddobaadkan booqday magaalada Kismaayo ee xarunta kumeelgaarka ah ee Jubbaland.
Related posts
Wada-hadallo ay la yeesheen Wasaaradda Shaqada ee Jubbaland iyo hayโadda NRC ee gaarsiinaysa Bulshada taageerrada ay ka helayaan mashruuca Sagal ayaa lagu gaaray Horumarinta mashruuca.
Jubbaland, waxaa ka billaabanaya diiwaangelinta ka faaโiideystayaasha qeyb kale oo ka tirsan mashruuca oo taageerro dhaqaale siinaya Dadka baahiyaha gaarka ah qaba.
Wasiirka Shaqada ee Jubbaland , Mudane Maxamed Axmed Cali oo Talaadadii xafiiskiisa ku qaabbilay madaxa mashruuca iyo la-taliyaha sare ee ka tirsan mashruuca ayaa sheegay inay Jubbaland gacan ka geysanayso horumarinta mashaariicda taageerraya Bulshada , wuxuu markaa tilmaamay barnaamijka Sagal oo ah mashruuc ay Dawladda fulineyso inuu door weyn ka qaadanayo ka jawaabida xaaladda baniโaadanimo ee ka jira gobolka.
Madaxa mashruuca Sagal , Maryan Maxamed Kaahiye ayaa dhankeeda sheegtay in Wasaaradda Shaqada iyo Arrimaha Bulshada Federaalka Soomaaliya ay ka goโantahay sidii shacabka loo gaarsiin lahaa taageerrada bulsho.
Mashruuca Sagal ayaa qeyb ka ah siyaasadda Ilaalinta Bulshada ee Wasaaradda Shaqada iyo Arrimaha Bulshada Dawladda Federaalka Soomaaliya , waxaana lacago caddaan ah ka hela Dadka nugul gaar ahaan, qeybo ka mid ah hooyooyinta uurka leh, kuwa Carruurta korinaya , Dadka daโda ah iyo kuwa baahiyaha gaarka ah qaba ee ku nool deegaanno ka tirsan dhammaan Dawlad-gobolleedyada dalka.
