Maamulaha xarunta xanaanada agoonta gabdhah Boondheere Marwo Nuurto Maxamed Caddoow ayaa ka warbixisay xaalada nololeed iyo waxbarasho ee xaruntaasi.
Marwo Nuurto Maxamed Caddoow oo ah maamulaha xaruntaasi ayaa Radio Muqdisho u sheegtay in xaruntaasi la aas aasay sanadki 2012-ki islamarkaana ay hadda dhigtaan ilaa 400 oo gabdho agoon ah, kuwaasoo xarunta ka hela waxbarasho tayeeysan iyo daryeel dheeraad ah.
“Dhismaha xaruntaasi waxaa iska leh wasaaradda waxbarashada, macalimiinta xaruntana waxa soo dirta isla wasaaradda waxbarashada, waxaana laga dhigaa manhajka wasaaradda”ayeey tiri Nuurto Jaamac.
Waxeey tilmaantay in xarunta hadda ay ku socoto dhismo ay hirgelineyso safaaradda Jabuuti, kaasoo iminka maraya heer gebogebo ah, iyadoo xustay in dhismahaasi yahay dabaq casri ah.
Marwo Nuurto oo hadalkeeda sii wadata ayaa xustay in ay hadda ku shaqeyso xarun ku meel gaar ah, waxeyna rajo wanaagsan ka muujisay in bisha soo socota ay dib ugu howlgeli doonta xarunteeda marka la soo dhmeystiro dhismaha xaruntaasi.
Dhinaca kale marwo Nuurto ayaa xustay in xaruntaasi ay kaalmeeyaan ganacsato Soomaaliyeed, waxeyna ugu baaqday dadka Soomaaliyeed ee wax heysta iney wixi ay awoodi karaan ku soo tabarucaan caruurtaasi agoonta ah.
