Tababarkaan ayaa loo qabtay haween ka kala socday ururada haweenka ka dhisan magaalada Xuddur waxa ka soo qeyb galay maamulka degmadii Xuddur, Odayaasha dhaqanka, culimaa’udiin iyo dhalinyaro.
Tababarkaan oo ku saabsanaa wacyi gelinta ka qeybgalka haweenka ee doorashooyinka golayaasha degmooyinka dowladaha hoose waxa soo qaban qaabisay Wasaaradda arrimaha gudaha dowladaha hoose dowlad goboleedka Koofur Galbeed Soomaaliya.
Related posts
Ugu horeyn waxa ka hadlay Lataliyaha Wasaaradda arrimaha gudaha dowlahada hoose koonfur galbeed Muktaar Cali Mursal ayaa sharaxay u jeedada tababarka.
Guddoomiyaha degmada Xuddur Maxamed Macalin Axmed oo ka hadlay dahfurka tababarka ayaa sheegey caqabadaha ay kala kulmeen maamulka waqtigiisa dhamaaday oo haweenka fursad lagasiinin, waxaana odayaasha dhaqanka kula dardaarmay in haweenka tixgelin gaar ah lasiiyo.
Dooda tababarka waxay ahayd sidee haweenka looga qeybgalin karaa golayaasha degmada Xuddur ururadii haweenka ee fikradahooda ka dhiibtay dooda ayaa sheegay in ay muhiimtahay in haweenka kaalintooda la siiyo.
Qeybaha kala duwan ee bulshada tababarka ka qeyb qaadanayay ayaa cabashada ay muujiyeen haweenka uga jawaabay, iyagoona sheegay in haweenka aan boos muuqda laga siin golayaasha deegaannada.
