Waddada Via Roma ee isku xirta degmooyinka Xamar weyne iyo Xamar JaJab ee gobalka Banaadir oo ay ka socotay howlo nadaafadeed ayaa maanta waxaa kormeerey guddoomiyaha gobolka Banaadir ahna duqa Muqdisho.
Shaqaalaha waaxda bulaacadaha wadooyinka ee dowlada hoose Xamar ayaa goobaha biya mareenka ah ee wadada Via Roma ka soo saaray qashin fara badan iyagoo ugu talagalay in loo diyaar garooba xiliyada roobka ineysan biyuhu fadhiisanin wadada.
Agaasimaha waaxda bulaacadaha iyo wadooyinka ee dowlada hoose Xamar Maxamed Xasan Casir, ayaa sheegay mahadcelin u jeediyay shaqaalaha ka howlan hagaajinta nadaafadda magaalada.
Gudoomiyaha gobalka Banaadir ahna duqa magaalada Muqdisho Yuusuf Xuseen Jimcaale, waxaa uu kula dardaarmay bulshada Soomaaliyed ee ku nool magaalada Muqdisho in aysan caqabad ku noqonin bilicda wadankooda islamarkana ay door ka qaatan horumarinta magaalada Muqdisho.
Dowlada hoose ee Xamar ayaa todobaadyadii ugu dambeeyay waxey sii xoojisay dhismaha wadooyinka iyo olaha lagu nadiifinaayo wadooyinka qashinka iyo bulaacadaha xirmay si uusan roobka biya fadhiisin ugu sameynin wadooyinka magaalada caasimadda ah ee Muqdisho.
