Iyadoo dagaalka u dhaxeeya Ruushka iyo Ukraine uu galay maalintii 84-aad, ayaa la soo sheegayaa lagu kala tagay waanwaantii iyo Wadahadalladii laga dhax waday labada dhinac.
Saacadihii la soo dhaafay ayay mas’uuliyiinta Ukraine iyo Ruushka ku dhawaqeen in wadahadalladii nabadeed ee ay yesheen labada dal ay burbureen, iyadoo labada dhinac ay is weydaarsadeen eedeymo kala duwan.
Mikhailo Podolyak, oo ah la taliyaha madaxweynaha Ukraine Volodymyr Zelensky, ayaa Xukuumadda Moscow ku eedeeyay inay mas’uul ka tahay burburka wadahadallada.
Tan iyo markii uu billowday Dagaalka Ruushka uu ku qaaday Ukraine waxaa dhacay dhawr waji oo wadahadallo toos ah, balse aanay labada dal isku fahmin.
