Waxaa Magaalada barakeysan ee Makkah Al Mukarama maanta lagu qabtey shir deg-deg ah oo ay qabanqaabisey Ururka Isbaheysiga Islaamka.
Shirka waxaa lagaga hadley gantaalkii Xuutiyiinta Yemen ay ku soo tuureen magaalada barakeysan ee Makkah Almukarama. Arintaasi oo ay si weyn ugu caroodeen Muslimiinta ku nool adduunweynaha.
Wafdi oo uu hogaaminaayo Wasiirka Arrimaha Dibadda ee Soomaaliya Mudane Cabdusalam Hadliye Cumar ayaa shirkaasi ka qeyb galey.
Wafdiga Wasiirka ayaa waxaa ka mid ahaa Danjiraha Soomaaliya u fadhiya dalka Boqortooyada Sacuudiga Mudane Daahir Maxamuud Geele iyo Mudane Saalim Macow Xaaji oo ah ku-xigeenka safiirka.
Wasiir Hadliye ayaa shirka ka jeediyey khudbad oo uu si weyn ugu cambaareeyey Xuutiyiinta Yemen gantaalkii ay ku tuureen magaalada barakeysan ee Makkah, wuxuuna hoosta ka xariiqey in dowladda iyo shacabka Soomaaliyeed ay diyaar u yihiin iney daafacaan Kacbada barakeysan.
Dhamaan madaxdii ka qey gashey ayaa waxay si wadajir ah u cambaareeyeen Xuutiyiinta.
Shirka waxaa lagu doortey mudane Yusuf Axmed Cuteymiin inuu noqdo Xoghaya Guud ee Ururka Iskaashiga Islaamka.
