Shir u dhaxeeya Wadamada Qaaradda Afrika iyo Jaban ayaa Maanta si rasmi ah uga furmaya Magaalada Nairobi ee Dalka Kenya.
Shirkaasi oo ku saabsan sidii ay wax u wada qabsan lahaayeen Dalalka Qaaradda Afrika iyo Wadanka Japan, kaasi oo ka dhacaya Xaruunta Shirarka Caalamiga ah ee Kenya (KICC) ee Caasimadda Dalkaasi ee Nairobi, waxaana lagu wadaa inay ka soo qaybgalaan in ku dhow 35 Madaxwayne oo Afrikaan ah iyo wufuud kale oo badan.
Shirkan oo muhiim u ah labada dhinacba Qaaradda Afrika iyo Japan, ayaa lagu soo waramayaa in goobta uu shirku ka dhacayo si wayn ammaankeeda loo adkeeyay, waxaana la xiray dhammaan waddooyinka soo gala meesha shirka lagu qabanayo.
