Wasiirka arrimaha Gudaha Soomaaliya iyo Madaxa Xukuumadda maamulka Galmudg ayaa si wadajir ah Garoonka Diyaaradaha magaalada Dhuusamareeb ugu soo dhaweeyay Qaar ka mid ah Wakiilada Beesha Caalamka u jooga Soomaaliya.
Wafdiga ayaa waxaa sidoo kale soo dhaweyntiisa ka qeyb galay wasiirka amniga XFS iyo mas’uuliyiin kale,waxaana Xubnaha Dhuusamareeb gaaray ka mid ah, Wakiilka Qaramada Midoobay u qaabilsan Sooamaliya,Wakiilka Midowga Afrika,IGAD iyo safiirada wadamo dhowr ah oo u jooga Soomaaliya.
Wafdiga oo ah mid heer Caalami ah ayaa waxaa la geeyay xarunta Madaxtooyada Galmudug ee magaalada Dhuusamareeb,iyadoo lagu wado in ay kulamo la qaataan Ra’iisul wasaaraha XFS mudane Xasan Cali Kheyre iyo Madaxa Xukuumadda Galmudug Sheekh Maxamed Shaakir.
