Wafdigaan ka socday Guddiga madaxa banaan ee Doorashooyinka Qaranka oo uu Hoggaaminayay Guddoomiye ku xiggeenka Guddigaani Mudane Sayid Cali shikh Maxamud, waxaa ku soo dhoweeay Garoonka diyaaradaha Magaaladda Garoowe Madaxda Bulshada Rayidka ah ee Puntland , Guddiga KMG ah ee Doorashooyinka Puntland iyo Masuuliyiin kale oo ka socotay Laamaha Maamulka Puntland.
Guddoomiyaha Ururada Bulshada Rayidka ah ee Dowlad goboleedka Puntland Mudane Faysal Axmed Warsame iyo Guddoomiye ku xiggeenka Guddiga KMG ah ee Doorahsooyinka Puntland, waxay si wada jir ah u soo dhoweeyeen wafdigaan soo gaaray Magaaladda Garoowe, iyaggoona xusay in ay mmuhiim tahay fahamka Bulshadda ee hanaanka doorasho ee dalka.
Mudane Sayid cali shikh Maxamud, waxa uu ka mahad celiyay Soo dhowaynta loo sameeyay, isagoo xusay in imaanshahooda Puntland salka uu ku hayo la tashiyada Bulshadda iyo fahamka Guud ee hanaanka dimuqraadiyadeed ee dalku u gudbayo .
Guddigan, ayaa ka shaqaynaya hirgalka nidaam dooraho oo ku yimaada Hal-qof Hal-cod marka la gaaro sanadka 2020.
