Wasiirka dhalinyarada iyo ciyaaraha Dowlad Goboleedka Galmudug Mudane Shaacir Sheegoow Maxamed iyo Guddoomiyaha Gobolka Galgaduud Cilmi Cali Cabdi ayaa garoonka Diyaaradaha Dhuusamareeb ku soo dhaweeyay wafdi u badan khurbajoog u timid hormarinta iyo taageerida Sports-ka Galmudug kuwaa oo ay kala hoggaaminayeen, Cabdullahi Maxamud Xirsi Guddoomiyaha dhallinyarada xiriika kubada cagta Soomaaliyeed Maxamad Macalin Guddoomiyaha dhaqanka iyo Sportiga qurbajoogta Soomaaliya iyo Macalin Muuse Maxamad Naasir madaxa qaybta ciyaaraha ee jaamacadda ummadda Soomaaliyeed.
Related posts
Wasiirka iyo Guddoomiyaha Gobolka ayaa madaxdan iyo khurba-joogtaba la wadaagey dadaalada socda ee horumarinta ciyaaraha Galmudug sida qorsheyaasha isku dubariddida kooxaha ka dhisan Galmudug, dhismayaasha garoomada, dardar gelinta tartamada kala duwan ee Kubadda iyo arrimo kale.
Booqashada Mas’uuliyiintan oo qaadan doonta mudo dhowr maalmood ah ayaa lafilayaa in ay suura-galiso qabsoomida tartankii ugu balaarnaa ee orodo ee Dhuusamareeb lagu qabto iyo gunnaanadka koobab ay hore u wadeen xiriirka cayaaraha Galmudug.
