Wafdi uu hogaaminaya Guddoomiyaha Gobolka Hiiraan ayaa maanta gaaray magaalada Buula Burde halkaasi oo uu kulamo kula qaatay Mas’uulyiinta Maamulka Degmada iyo Saraakiisha AMISOM gaar ahaan ciidamada Jabuuti ee Hiil walaal.
Mudane Yuusuf Axmed Hagar (Dabo-geed) Guddoomiya gobolka waxaa socdaalkiisa ku wehliya odoyaal dhaqameed oo ka tirsan gobolka, kuwaasi oo markii ay gaareen Buula burde halkaasi si diiran loogu soo dhaweeyay.
Intaa kadib wafdiga guddoomiyaha gobolka waxa ay kulamo la qaateen maamulka degmada, saraakiisha ciidamada qalabka sida iyo kuwa AMISOM, iyadoo kulanka diiradda lagu saaray xoojinta amniga.
Guddoomiyaha degmada Buulo burde Cabdcasis Cabdullahi Duuroow oo Radio Muqdisho la hadlay ayaa sheegay in wafdiga guddoomiayha gobolka Hiiraan Mudane Yuusuf Axmed Hagar (Yuusuf-dabageed) ay tahay mid uu ugu kuurgalayay xaaladda Nabadgelyo iyo tan bulsho ee ka jirta degmada, waxaana uu intaa ku daray in kulan soo dhaweyn ah ay u sameeyeen wafdiga guddoomiyaha.
