Madaxweynaha Dowlad Goboleedka Koonfur Galbeed ee Soomaaliya Mudane C/casiis Xasan Maxamed (Lafta gareen) iyo wafdi uu hogaaminayo ayaa si diiran loogu soo dhaweeyay magaalada Garoowe ee xarunta Dowlad Goboleedka Puntland.
“Waxaa maanta si Nabad ah ku tagney aniga iyo wafuud aan hogaaminayo magaalada Garoowe ee Caasimada Maamul Goboleedka Puntland oo berito lagu caleema saari doono Madaxweynaha Dowlad Goboleedka Puntland iyo Madaxweyne Xigeenkiisa” ayuu yiri Madaxweynaha Koonfur Galbeed oo hadalkiisa ku daray “Maamulka iyo Shacabka reer Puntland wey ku mahadsanyihiin sida sharafta leh ay noogu soo dhaweeyeen magaalada Garoowe”.
Ammaanka magaalada Garoowe ayaa la xoojiyay, iyadoo ay halkaasi ku sii qul qulaayan madaxda lagu casuumay inay ka qeyb galaan xafladda lagu caleemo saarayo Madaxweynaha cusub ee dowlad Goboleedka Puntland.
