Wafdiga uu hoggaaminayay Guddoomiye ku-xigeenka 2-aad Golaha Shacabka ee Baarlamaanka Federaalka Jamhuuriyadda Soomaaliya mudane Mahad Cabdalla Cawad ayaa maanta gaaray magaalada Garoowe ee xarunta maamulka Puntland.
Ujeedka socdaalka wafdigan oo isugu jira Wasiiro iyo Xildhibaanno ayaa waxaa uu ka yahay ka qeybgalka caleema saarka Madaxweynaha Puntland oo beri ka dhacaysa magaalada Garoowe.
Waxaa siweyn ugu soo dhaweeyey garoonka diyaaradaha Madaxweynaha Puntland Siciid C/llaahi Deni, Guddoonka Baarlamaanka iyo masโuuliyiin kale.
Ammaanka magaalada Garoowe ayaa si weyn loo adkeeyey, iyadoo maalinta beri ah la filayo in ay ka dhacdo munaasabadda caleema saarka Madaxweynaha cusub ee maamulka Puntland.
