Wafdi uu hogaminayo Wasiir ku-xigenka Wasaaradda Warfaafinta, Dhaqanka iyo Dalxiiska ee Xukuumadda Federaalka Soomaaliya mudane Cabdiraxman Yuusuf Sheekh “Al Cadaala” ayaa gaaray magaalada Cadaado, halkaasi oo ay si diiran ugu soo dhaweeyeen mas’uuliyiin ka tirsan Maamulka Degmada.
Wafdigaan oo ka kooban heer Wasiir iyo Xildhibaanno katirsan dowladda federaalka ah ee Soomaliya ayaa ujeedka safarka wafdigaan ah dardar galinta xoreynta degaannada argagixisadu ka joogto Galmudug iyo sidii loo bilaabi lahaa xoreynta dadka iyo degaannada ey dhibaatada joogtada ah ku hayaan Kooxda argagixisada ah ee Al-Shabaab.
Wafdigaan ayaa toos ugu biiridoona saraakiisha iyo shacabka ku diyarsan jiidda hore ee dagaalka, waxaana ay ku wajahan yihiin deegaannada ay ka socdaan abaabulka ka dhanka ah Argagixisada Al-Shabaab.
