Wafdi uu hogaaminayay Wasiirka Wasaarada Kaluumeysiga iyo kheyraadka badda ee Dowlad Gobaleedka Soomaaliyeed ee Galmudug Xasan
Maxamed Warsame oo isugu jiray maasuliyiin ganacsato iyo quburo Ajaanib ah oo ku xeel dheer arimaha kaluumeysiga ayaa waxaa soo
dhaweyn kadib ay kormeer ku tageen Xeebta Dagmada Hobyo si ay usoo Qiimeyaan xaalada kaluumaysatada Degmada Hobyo iyagoo dhanka kalanaqiimeyn ku sameeynayay sida loo hagaajin karo Dekadda Dagmada Hobyo
Waxaa sidoo kale wafdigaan ay u kuurgaleen howlaha iyo dhaqdhaqaaqyada ganacsi ee ka jira Degmada Hobyo taas oo tusaale fiican u
noqaneysa xaalada amaan ee dagmada hobyo oo haatan u muuqata mid laysku haleyn karo isla markaana soo dadajin karta maalgashi dhanka Ganacsiga ah oo lagu sameysto Degmada Hobyo ee Gobalka Mudug.
Kormeerka kadib ayaa waxaa Warbaahinta Qaranka uga warbixiyay ujeedada socdaalkooda Wasiirka Wasaarada Kaluumeysiga iyo kheyraadka Badda ee Dowlad Gobaleedka Soomaaliyeed ee Galmudug Xasan Maxamed Warsame isagoona sheegay in booqashadoodu ay tahay mid salka ku heyso horumarinta Kaluumeysiga Kheyraadka Badda iyo maalgashi la xariira dhanka ganacsiga in ay ku sameeystaan dagmadaasi Ganacsatada Soomaaliyeed maadaama Dagmada Hobyo haatan ay tahay mid amaan ah isagoo tusaale fiican ku tilmaamay in iyaga oo ay wehliyaan quburo Ajaanib ah oo ku xeel dheer Kaluumeysiga ay si nabad galyo ah ku kormeereen dhamaan qeybaha Ganacsi ee ka socda Degmada Hobyo ee Gobalka Mudug taas oo sanado ka hor lagu tilmaami jiray meel ka mida meelaha hoyga u ah looxaha Burcad Badeeda Soomaalida.
Masuuliyiinta Maamulka Degmada Hobyo oo ay ugu horeeyaan Gudoomiyaha iyo Gudoomiye ku xigeenka Dagmada Hobyo C/laahi Cali Maxamed iyo Maxamuud Maxamad Cawaale ayaa sheegay in haatan Degmada Hoby ay tahay meel amaan ah ayna kusoo dhaweeynayaan cid kasta oo dooneysa in ay maalgashi ganacsi ka sameeystaan Degmada Hobyo sidoo kale qaar ka mida xubnihii ka socaday Rugta Ganacsiga Soomaaliyeed ayaa ka dhawaajiyay in Dagmada Hobyo ay rajeynayaan in dhawaan ay ka sameeyaan maalgashi Ganacsi mar haddii amniga Degmadaasi laysku haleyn karo ayna indhahooda ku arkeen waxa ka jira Degmada Hobyo.
