Taliyaha ciidanka xoogga dalka Soomaaliya Janaraal Odowaa Yuusuf Raage iyo wafdi uu hoggaaminayay ayaa gaaray magaalada Baydhabo ee xarunta gobolka Baay.
Wafdiga Taliyaha ayaa waxaa garoonka Shaati-gaduud ee Baydhabo kusoo dhaweeyay Taliyaha qeybta 60-aad ee ciidanka xoogga dalka iyo saraakiil ka tirsan ciidanka.
Taliyaha qeybta 60-aad ee ciidanka xoogga janaraal,Maxamed Sheekh Cabdullaahi ayaa sheegay in uu ku faraxsanyahay in Baydhabo uu ku soo dhaweeyo Taliyaha ciidanka xoogga,isagoo sheegay in qeybta 60-aad ay u diyaarsantahay difaaca dalka.
Taliyaha ciidanka Xoogga dalka Janaraal Odowaa Yuusuf Raage oo la hadlay Warbaahinta ayaa sheegay in ujeedka safarkiisu uu yahay kormeerka qeybta 60-aad iyo tababar uu usoo xiri doono maalinta berri ah cutubyo ka tirsan ciidanka xoogga oo tababar uu uga socday magaalada Baydhabo.
