Wasiirka wasaaradda waxbarashada Hiddaha & Tacliinta Sare ee Xukuumadda Federaalka Soomaaliya mudane Cabdullaahi Goodax Barre ayaa sheegay in lagu guuleystay xalinta cabasho ka timid qaar ka mid ah ardeyda Soomaaliyeed, gaar ahaan arday puntland ee wax ka barata magalaada Jigjiga ee dowlad deegaanka Soomaalida.
Wasiirka wasaaradda waxbarashada Mudane Cabdullahi Goodax Barre ayaa sheegay in ay markasta ka go’antahay ka war qabka baahiyaha iyo duruufaha heysta ardeyda Soomaaliyeed ee dalka dibaddiisa u aada waxbarashada.
Qaar kamid ah ardayda Soomaaliyeed ee wax ka barata dalka Itoobiya ayaa wasiir Goodax uga mahadceliyay sida ay uga go’antahay u adeegida dhalinyarada Soomaaliyeed ee wax ka barata dalalka caalamka iyo dib u soo nooleynta nidaamkii waxbarasho ee dalka.
Wasiirka ayaa dhawaan magaalada Addis Ababa kulan kula yeeshay madaxda wasaaradda waxbarashada ee dalka Itoobiya isagoo kala hadlay cabashooyinka ardayda Soomaaliyeed ee wax ka barata dalkaas.
