Wafdi ballaaran oo uu hoggaaminayo Agaasimaha Guud ee Hay’adda Socdaalka iyo Jinsiyadda G/Sare Maxmed Aadan “Koofi” ayaa gaaray Magaalada Kigaali ee Dalka Rwanda.
Wafdigaan ayaa waxaa qeyb ka ahaa dhamaan Agaasimayaasha laamaha ay Hay’addu ku leedahay Dowlad Goboleedyada dalka ka jira.
Safarkan ay Madaxda Hay’adda Socdaalka iyo Jinsiyadda ku tageen Magaalada Kigaali ee Dalka Rwanda ayaa waxaa qeyb ka ah sidii labada Hay’addo ee qaabilsan dhanka bixinta Basaboorrada iyo Socdaallada ay isaga kaashan lahayeen Howlaha ay isaga midka ka yihiin.
Sidoo kale Saraakiisha Hay’adda Socdaalka iyo Jinsiyadda ee uu Hoggaaminayo Agaasimaha Guud ee HSJ ayaa la soo tusi doonaa sida ay u shaqeeyaan Xarumaha Socdaalka iyo Jinsiyadda Dalka Rwanda sida Garoommada diyaaradaha iyo Xadduudaha uu dalkaasi leeyahay.
