Wafdi uu hoggaaminayo Ra’iisul Wasaare ku xigeenka labaad ee Xukuumadda Federaalka Soomaaliya, Mudane Cabdisalaan Cabdi Cali (Dhaay), ayaa maanta safar shaqo ku tagay magaalada Baydhabo. Wafdigan waxaa xarunta Madaxtooyada ee magaalada Baydhabo kusoo dhaweeyay Madaxweynaha Dowlad Goboleedka Koofur Galbeed Soomaaliya, Mudane Cabdicasiis Xasan Maxamed Laftagareen.
Booqashada wafdigan ayaa la filayaa in ay xooga saarto xoojinta iskaashiga iyo wada-shaqeynta dowladda Federaalka iyo maamulka Koofur Galbeed, iyada oo la isla gorfeyn doono arrimo muhiim ah oo khuseeya horumarka iyo amniga gobolka. Wafdigaan ayaa sidoo kale la kulmi doona mas’uuliyiin kale iyo qeybaha kala duwan ee bulshada ee ku sugan Baydhabo.
