Wasiir Ku Xigeenka Tamarta iyo Kheyraadka Biyaha Xukuumadda Soomaaliya ahna Siihayaha Wasaaradda Mudane Cismaan Libaax Ibrahim iyo Wafdi uu hoggaaminayo ayaa gaaray Magaalada Kuwait, waxaana si heer sare ah ugu soo dhaweeyay garoonka Diyaaradaha Wasiir ku xigeenka Wasaaaradda Tamarta iyo Biyaha Kuwait, Siihayaha Safaaradda Soomaaliya ee Kuwait Mudane Abiib Muuse Faarax oo uu wehliyo Xoghayaha Koowaad ee Safaaradda Mudane Farxaan Cabdi Gurxan.
Soo dhaweynta kadib waxaa loo galbiyay Wafdiga Wasiirka Hotel Shareton uu ka furmay Shirweynaha 3aad ee Arrimaha Biyaha Carbeed oo heer Wasiiro ah, kaas oo ay sanadkan martigalisay Dowladda Kuwait.
Related posts
Wafdiga Wasiirka waxaa ku wehliyay Enj. Cumar Shuuriye, Lataliyaha Wasaaradda ee Arrimaha Biyaha iyo Lataliyaha Raโiisul Wasaaraha ee Arrimaha Carabta Cumar Carab Ibrahim.
Wasiirka iyo wafdigiisa inta ay ku sugan yihiin dalka Kuwait waxaa lagu wadaa in ay kulamo gaar gaar ah la qaataan Wasiiradda Carbeed ee Shirka ka soo qeybgalay iyo Wasiirka Biyaha iyo Tamarta Kuwait oo ay marti u yihiin.
