Wafdi uu hoggaaminayo wasiirka dhalinyarada iyo ciyaaraha ee xukuumadda Federaalka Soomaaliya mudane ย Maxamed Cabdilaahi Xasan ( Nuux ) ayaa maanta gaaray magaalada London ee dalka Britain.
Xubno ka tirsan jaaliyadda Soomaaliyeed ee ku nool dalkaasi ayaa wasiirka iyo wafdigiisa si diirran ugu soo dhaweeyay garoonka diyaaradaha ee Heathrow.
Wafdiga uu horkacayo wasiirka dhallinyarada iyo ciyaaraha xukuumadda Federaalka Soomaaliya oo safar shaqo dalkaasi ku tagay ayaa lagu wadaa iney kulamo la qaataan qeybaha kala duwan ee jaaliyaadda Soomalida ku nool dalkaasi.
Xaflado lagu soo dhaweeynayo wafdiga uu horkacayo wasiirka dhalinyarada iyo ciyaaraha ayaa la filayaa in lagu qabto dalkaasi, iyadoo wasiirku uga xog warami doono jaaliyadda xaaladda dalka iyo horumarrada dowladda.
*Sawir Qaade Cabdiraxmaan Soomaali Warbaahinta Qaranka London *
