Guddoomiyaha Gobalka Shabeelaha Dhexe Axmed Meyre Makaraan iyo mas’uuliyiinkale uu hogaaminayo ayaa gaaray deegaanno hoostaga degmada Balcad.
Wafdiga ayaa deegaanada ay socdaalka ku tageen waxaa ka mid ah tuulooyinka Jacaaca, Misra, Maqdis, Kulmisyarow halkaasi oo ay xog wareysi la yeesheen qaar ka mid ah odayaasha deegaanka, maadaama sanadkan horaantiisa ay ka dheceen tuulooyinkaas dagaallo sokeeye iyo fatahaado oo sababay in bulshada ku nool ay ku barakeceen, iyadoo maamulka Shabeelaha Dhexe uu dhex dhigay heshiis xabad joojina.
Mas’uuliyiinta ayaa soo indha indheeyay raadadkii dagaalada ee horaanti sanadkaan markuu soo idlaaday kormeerka mas’uuliyiinta ayaa dhibaatooyinka ka jira deegaanada ay ku noolyihiin uga waramay madaxda soo gaartay qaar ka mida waxgaradka
Guddoomiyaha Gobalka Shabeelaha Dhexe Axmed Meyre Makaraan ayaa u balan qaaday bulshada ku nool deeganadaasi in Maamulkiisa uu ka hortagi doono dhibaato kasta oo keeni karta in markale ay soo laabato colaado sokeeye, waxaana uu shacabka ugu baaqay inay ka shaqeeyaan nabadgelyada.
