Wafdi uu hogaaminayo gudoomiyaha golaha Wakiillada Qaranka Jamhuuriyadda Jabuuti oo maalmahan booqasho rasmi ah ku joogay dalka ayaa maanta ka ambabaxay Muqdisho iyagoo ku sii jeeda dalkooda Jabuuti.
Wafdiga waxaa garoonka diyaaradaha caalamaiga ah ee Aadan Caddeย ku sii sagootiyay ku simana madaxweynaha Jamhuuriyadda Soomaaliya ahna Gudoomiyaha golaha shacabka Mudane Maxamed Sheekh Cusmaan “Jawaari”, Gudoomiye ku xigeenka koowaad ee golaha shacabka Mudane C/wali Sheekh Ibraahim Muuddeey iyo sidoo kale xildhibaanno ka tirsan Baarlamaanka dalka.
Related posts
Ka hor inta aysan wafdigan ka ambabixin garoonka diyaaradaha ee Magaaladda Muqdisho ayaa waxa ay la hadleen Warbaahinta, waxaana Gudoomiyaha Golaha Wakiilada Qaranka ee Jamhuuriyadda Jabuuti Mudane Maxamed Cali Xumad uu sheegay in uu ku faraxsanyahay soo dhoweynta ay u sameeyeen shacabka Soomaaliyeed iyo Madaxdooda Isagoo sheegay in muddadii dalka ay joogeen ay arkeen horumarka dowladnimo oo uu dalka ku talaabsanaayo.
Ku simana Madaxweynaha Jamhuuriyadda Gudoomiyaha golaha shacabka Mudane Maxamed Sheekh Cusmaan “jawaari” ayaa u sheegay wafdigan in dalka Soomaaliya uu yahay wadankooda oo aysan marti ku aheyn islamarkaana wada shaqeynta walaaltinimada ku dhisan ee labada baarlamaan ay mar walba joogto ahaan doonto.
Wafdigan oo todobaadkii la soo dhaafay booqasho rasmi ah dalka ku joogay ayaa intiiย ay joogeen kulamo la qaatay madaxda dalka iyagoo shalay heshiis iskaashi la saxiixday Labada aqal ee Baarlamaanka Dalka.
