Xubno uu horkacayo Agaasimaha Golaha guud ee Warbaahinta Qaranka Cabdiraxmaan Yuusuf Sheekh Al-Cadaala ayaa ka qeyb galaya Shirweynaha Wakaaladaha wararka Dunida oo Talaadada berri ah ee 15-ka November 2016 ka furmaya Caasimadda Baku ee dalka Azerbaijan.
Wakaaladda Wararka Soomaaliyeed ee SONNA ayaa markii ugu horreysay taariikhda Xubin buuxda ka noqoneysa Sanadkaan Midowga Wakaaladaha Wararka Dunida, iyadoo la filayo in si rasmi ah shirkaasi looga shaaciyo xubinnimada SONNA ee Wakaaladaha Wararka Dunida.
Wakaaladda SONNA oo dib u soo celineysay cilaaqaadkii ay la lahayd wakaaladaha caalamka ayaa dhanka kale buuxisay howlihii baaxadda lahaa ee ay ka haysay gudaha dalka, waxaana muddooyinkan soo xoogeysanayey wararka ay sida tooska ah uga xiganayeen Wakaaladaha kale.
Shirweynaha Wakaaladaha Wararka Dunida ee Azerbaijan ayaa sida qorshaha ah ajandayaasha looga hadlayo waxaa qeyb ka ah horumarinta Wakaaladda Wararka Soomaaliyeed ee SONNA.
