Afurinta dadkaas waxaa sameeyay Hay’adda NILE ee Walaalaha Turkiga iyaga oo maalin walba afuriya Shan boqol oo Qoys taas oo ka dhigaysa in walaalaha turkiga ay yihiin dad isku taagay inay wax u qabtaan walalahooda Soomaaliya.
Xildhibaan Maxamed Cumar Dalxa oo ka hadlay goobta afurinta qoysaskaas loogu sameeyay ayaa u mahadceliyay Dowladda Walaalaha Turkiga uu sheegay inay yihiin kuwo inta badan ka qayb qaata Waxbarashada ,Caafimaadka iyo Caawinta kale ee dadka Soomaaliyeed loo sameeyo.
Wasiir kuxigeenka Arrimaha Dibadda Soomaaliya Axmed Cali Kadiye ayaa sheegay in dad badan ay ka faa’iidaysteen Fursaddaan afurinta ah, islamarkaana walaalaha Turkiga maalin walba ay afuriyaan Shan boqol oo qoys isagoo u mahadceliyay Guud ahaan Shacabka dalka turkiga.
Madaxda hay’adda NILE ee dalka Turkiga oo goobta ka hadlay ayaa sheegay in inta lagu guda jiro Bisha Ramadaan ay Afurin doonaan dadka Danyarta ah ee walaalohooda Soomaalida ah.
