Xubnaha golaha Aqalka sare ee Baarlamaanka Federaalka Soomaaliya ayaa maanta ansixiyay sharciga Isgaarsiinta dalka oo dhowaan Wasaaradda Boostada, Isgaarsiinta iyo Teknoolojiyada hor geysay golahaas kaddib markuu uu ka soo gudbay golaha shacabka.
Wariyaha Aqalka sare warbaahinta qaranka u qaabilsan Maxamed Nuur Maxamed Shriifka ayaa soo sheegaya in 39 mudane oo ka tirsan golahaas ay meel mariyeen sharciga isgaarsiinta dalka.
Sharcigan ayaa waxaa dhawaan meel mariyay Xildhibaannada Golaha Shacabka, iyadoo Wasiirka Boostada uu Sabtidii u gudbiyay Aqalka sare ee dalka, kuwaaso oo maanta cod aqlabiyad leh ku ansixiyay.
Sharcigan ayaa loo gudbin doonaa Madaxweynaha Jamhuuriyadda Federaalka ah ee Soomaaliya Mudane Maxamed Cabdullaahi Maxamed Farmaajo si uu u saxiixo oo ay u noqoto mid dhaqan gala.
