Kulankii ugu adkaaTodobaaadkan horyaalka Soomaliya ayaa dhex maray galabta kooxaha Banaadir iyo Dekada oo isku haystay hogaanka kala horeynta Horyaalka Soomaaliya,
Labada kooxod ee Banaadir iyo Dekadda ayaa u dhexeeyay sadex dhibcood oo quraa waxaana kooxda Banaadir hami weyn ka soo galay hanashada horyaalka Soomaaliya oo hadii ay ka adkaato kooxda Dekada wadajir ay ku hogaamin lahayeen horyaalka Soomaaliya hase yeeshe waxaa uu ku soo idladay barbaro 0-0 ah walina waxaa u dhexeeya sadexdii dhibcood ee bilowga Ciyaarta u dhexeeyay waxaa u sii dheer Banaadir waxay lumin doonta kaalinta labaad hadii Horseed ay adkaato.
Kooxda Dekadda hal kulan oo quraa ayaa laga adkaaday dhamaan kulamadii ay ciyaartay horyaalka soomaaliya ayadoo kooxda Banaadir laga adkaaday laba kulan dhamaan kulamada ay ciyaartay horyaalka, Labada kulan oo ay lumisay Banaadir kulan ka mid ah waxaa ka adkaatay kooxda Dekadda waana kulankii wareegi hore ee horyaalka Soomaaliya oo Banaadir ay ku Guuldareysatay 1-0 kulanka kale ee kooxda Banaadir laga adkaaday waxaa dhinaceeda dhulka dhigtay Horseed oo ay ka aar-gudatay lugtii labaad galabta ayeey ku guuldareysatay Banaadir ay markale ay ka aar-gudato Dekadda.
Banaadir kulankii ugu danbeyay oo ay soo Ciyaartay Horyaalka Dekadda ka hor waxay ka soo adkaatay kooxda Elman oo kulan ka hor soo garaacday Dekadaha waxaana ay ugu adkaatay Banaadir kooxda Elman 4-2.
Dekada waxay ka soo adkaatay kulankii galabta ka hor Jenyo oo ay ku Soo garaacday 3-0, Kooxda Banaadir ayaa ah mid aanan guuleysan 7-dii kulan ee ugu danbeyay oo ay ka hortagto kooxda horyaalka difaacaneyso ee Dekada waxaana kulan Banaadir ay ka adkaato Dekada ugu danbeysay sadex sano ka hor xili ciyareedkii ahaa kolkaasi oo kooxda Banaadir ay ku adkaatay 2-0 ma jiro kulan kale oo ka tirsan horyaalka Soomaaliya oo ay adkaatay kooxda Banaadir 7-dii kulan ee ugu danbeyay horyaalka Soomaaliya.
Labadaan kooxod Banaadir iyo Dekada ayaa ah labada kooxod ee ugu sareeya kala horeynta horyaalka Soomaaliya ayadoo kooxda Dekadda ay sadex dhibcood ka sareyso kooxda Banaadir taasi ayaana ahayd farqiga u dhexeyay labada kooxod ee galabta ku kala baxay barbaro ayadoo Macalinka kooxda Banaadir Mblangu Xuseen ay ka muuqatay Caro fara badan oo ay sabab u ahayd barbaraha kooxdiisa ay la gashay kooxda Dekadda.
KALA HOREYNTA HORYAALKA WAXBA ISKAMA BADALIN BALSE HORSEED IYO JENYO KULANKOODA AYAA MACQUUL AY NOQON KARTAA IN ISBADAL UU KU YIMAADO KALA HOREYNTA WAAYO HORSEED HADII AY ADKAATO KAALINTA LABAAD AYEEY SOO FARIISAN DOONTA.
